У экспазіцыі музея з’явіліся фотаздымкі і арыгінальныя дакументы былых франтавікоў і партызан. Сярод іх тыя, хто з баямі дайшоў да Берліна, а пасля вяртання з вайны яшчэ доўга працаваў, рабіў шмат карысных і цікавых рэчаў. Збіраць унікальныя экспанаты дапамагалі самі сланімчане. Гэта адбывалася падчас акцыі “Збярэм альбом франтавікоў”, прысвечанай 75-годдзю вызвалення Беларусі і Слонімшчыны ад нямецка-фашысцкіх захопнікаў. І вось гэтую экспазіцыю цяпер могуць убачыць наведвальнікі музея. Валянціна Жмуркіна прынесла 25 экспанатаў: дакументы і фотаздымкі свайго бацькі – Васіля Балкунца, ураджэнца вёскі Чапялёва Слонімскага раёна. З мая 1944 года ён быў партызанам атрада імя Ракасоўскага, які дзейнічаў на Слонімшчыне. Пасля вызвалення Слоніма быў мабілізаваны ў Чырвоную Армію. З баямі прайшоў Усходнюю Прусію, Польшчу, Германію. Меў баявыя ўзнагароды. На тэрыторыі Германіі быў ранены. Асколак пад сэрцам у Васіля застаўся на ўсё жыцце. Але гэта не перашкодзіла яму працаваць слесарам і газаэлектразваршчыкам на Шылавіцкім спіртзаводзе. За высокія дасягненні ў працоўнай дзейнасці ў 1950 годзе Васіль Балкунец быў занесены ў Кнігу Пашаны Слонімскага райвыканкама. https://grodnonews.by/news/zhizn/dakumenty_fotazdymki_uspaminy_pra_vyalikuyu_aychynnuyu_vaynu_u_slonimskim_krayazna_chym_muzei_imya_i.html

В Слонимском краеведческом музее (пл. Ленина, 1) начала свою работу выставка “Нереальная реальность”. Cлонимчане и гости города с помощью очков виртуальной реальности смогут полюбоваться экзотической красотой всего мира, почувствовать себя туристом в Париже, Египте, Дубае, полетать над горами, погулять по огромным зоопаркам и т.д. Выставка носит не только развлекательный характер, но и познавательный. Посетив ее, слонимчане смогут узнать множество новых и интересных фактов о науке, технике и природе.

http://www.slonves.by/2019/11/nerealnaya-realnost-v-slonime/

Слонімскі раённы краязнаўчы музей імя І.І. Стаброўскага – адзін з найстарэйшых музеяў Беларусі – сёлета адзначыў 90-годдзе з дня заснавання. Упершыню музей адчыніў свае дзверы для наведнікаў 20 верасня 1929 года, і яго заснавальнікам стаў патомны дваранін, палкоўнік рускай арміі, удзельнік Першай сусветнай вайны, нястомны даследчык роднага краю Іосіф Стаброўскі. На сабраныя менавіта гэтым чалавекам унікальныя экспанаты і сёння прыязджаюць паглядзець з розных куткоў блізкага і далёкага замежжа. Сярод такіх экспанатаў стараславянскі ідал, датаваны Х стагоддзем, бронзавы бюст Напалеона Банапарта 1885 года (праца вядомага французскага скульптара Р. Каломба), Статут ВКЛ на польскай мове 1648 года выдання, фотаальбом «Крывавым следам» пра падзеі Першай сусветнай вайны, калекцыя старадрукаў і дакументаў XVI – XVIII стагоддзяў. Супрацоўнікі музея і сёння працягваюць справу Іосіфа Іосіфавіча па зборы і захаванні багатай гістарычнай спадчыны Слонімшчыны.

http://bfk.by/?p=6902#more-6902